ប៉ុន្មានថ្ងៃមកនេះ ឃើញមានព័ត៌មានអំពីថៃ ព្រមាន បិទ រាំងខ្ទប់ ដំណើរនាវាចរដឹកទំនិញតាមផ្លូវសមុទ្រឆ្លងកាត់ឈូងសមុទ្រថៃ ចូលមកកាន់ប្រទេសកម្ពុជា ហើយក៏បានធ្វើឱ្យអ្នកលេងបណ្តាញសង្គមជាច្រើននៅកម្ពុជា បារម្ភអំពីរឿងនេះ ។ ទាក់ទងរឿងនេះ នៅព្រឹកថ្ងៃទី ១៥ធ្នូ ឆ្នាំ២០២៥នេះ ក្រសួងសាធារណការ និងដឹកជញ្ជូនរបស់កម្ពុជា  បានអះអាងថា កម្ពុជាមានច្រកដឹកទំនិញសមុទ្រចម្រុះ និងប្រទាក់ក្រឡា ដែលមានសក្តានុពល និងធានាបាននូវឯករាជ្យភាព និងជាម្ចាស់ការលើគ្រប់ទម្រង់ ស្របតាមច្បប់ និងវិធានអន្តរជាតិ នេះបើយោងតាមការចុះផ្សាយរបស់សារព័ត៌មាន  Fresh news​។ 

លោក ផន រឹម បានបញ្ជាក់ថា «ប៉ុន្មានថ្ងៃមកនេះ ឃើញកាសែតថៃ ដកស្រង់សំដីមន្ត្រីជាន់ខ្ពស់ថៃពាក់ព័ន្ធការព្រមាន បិទ រាំងខ្ទប់ ដំណើរនាវាចរដឹកទំនិញតាមផ្លូវសមុទ្រឆ្លងកាត់ឈូងសមុទ្រថៃ ចូលមកកាន់ប្រទេសកម្ពុជា ដោយពួកទាំងនោះយកលេសផ្សេងៗមកមកសំអាង ក្នុងគោលដៅចិញ្ចឹមបហិច្ចតាឈ្លានពាន បង្កសង្គ្រាម ពង្រីកជម្លោះជាមួយកម្ពុជា។ កម្ពុជាមិនមែនក្មេងបៀមដៃ។ កម្ពុជាបានគិតគូររឿងនេះ និងបានត្រៀមលក្ខណៈរួចរាល់ ឆ្លើយតបគ្រប់ទម្រង់ ចំពោះមហិច្ចតាបង្កសង្គ្រាមពង្រីកទំនាស់របស់ថៃ។ កម្ពុជាមានច្រកដឹកទំនិញសមុទ្រចម្រុះ និងប្រទាក់ក្រឡា ដែលមានសក្តានុពល និងធានាបាននូវឯករាជ្យភាព និងម្ចាស់ការលើគ្រប់ទម្រង់ ស្របតាមច្បប់ និងវិធានអន្តរជាតិ»។

ការចេញមកបញ្ជាក់របស់អ្នកនាំពាក្យរូបនេះ ធ្វើឡើងបន្ទាប់ពីប៉ុន្មានថ្ងៃមកនេះ មានសារព័ត៌មានថៃ បានដកស្រង់សំដីរបស់មន្ត្រីថៃ ដោយព្រមានចង់បិទខ្ទប់ ការធ្វើដំណើររបស់នាវាឆ្លងកាត់ឈូងសមុទ្រថៃមកកាន់កម្ពុជា។

សូមជម្រាបថា កម្ពុជាមានកំពង់ផែអន្តរជាតិចំនួន២ គឺកំពង់ផែភ្នំពេញ និងកំពង់ផែព្រះសីហនុ ដែលជាច្រកដឹកជញ្ជូនតាមផ្លូវទឹកដ៏សំខាន់៕

សូមជម្រាបផងដែរថា សម្រាប់ចំណូលទាំងអស់ដែលបានទទួលពីសប្បុរសជន ក្នុងបេសកម្មសប្បុរសធម៍របស់ទិវាគ្រួសារ Aii លើកទី២នេះ យើងខ្ញុំនិងយកទៅប្រើប្រាស់ដើម្បីសម្រាប់កុមារនិងគ្រួសារដែលរងផលប៉ះពាល់នៅតាមបន្ទាត់ព្រំដែនកម្ពុជា- ថៃ។ យើងខ្ញុំសង្ឃឹមថា ការគាំទ្រដ៏ធំធេងនេះអាចជួយដល់ពួកគាត់ក្នុងគ្រាដ៏លំបាកនេះផងដែរ៕