ការអនុញ្ញាតឱ្យកូនលេង មិនមែនគ្រាន់តែជាការកម្សាន្តបំបាត់អផ្សុកនោះទេ! តាមពិតទៅ វាគឺជាវិធីសាស្ត្របង្រៀនបែបវិទ្យាសាស្ត្រដ៏មានប្រសិទ្ធភាពបំផុត ដែលជួយជំរុញដល់ការរីកលូតលាស់ខួរក្បាលរបស់កូនៗ។ ការសិក្សាផ្នែកចិត្តវិទ្យាបានបង្ហាញថា កុមាររៀនបានរហ័សបំផុតតាមរយៈ ការចូលរួមដោយផ្ទាល់ ការស្វែងយល់ និងការអនុវត្តជាក់ស្តែង។

១. ការរំញោចកោសិកាខួរក្បាល 

នៅក្នុងថ្នាក់Pre-Kid ការលេងប្រៀបដូចជា “អាហារបំប៉ន” សម្រាប់ខួរក្បាល៖

• បណ្ដុះខួរក្បាល៖ រាល់ពេលកូនៗចាប់កាន់របស់លេង ឬសាកល្បងអ្វីថ្មី ខួរក្បាលនឹងបង្កើតការតភ្ជាប់ថ្មីៗភ្លាមៗ។
• បណ្តុះបំណិនដោះស្រាយបញ្ហា៖ ជួយឱ្យកុមារចេះគិតពិចារណា និងស្វែងរកដំណោះស្រាយដោយខ្លួនឯង ដោយស្វ័យប្រវត្តិ។
• ពង្រឹងភាសា៖ តាមរយៈការសន្ទនាជាមួយមិត្តភក្ដិពេលលេងកម្សាន្ត កូននឹងចេះប្រើប្រាស់ពាក្យពេចន៍ថ្មីៗបានយ៉ាងស្ទាត់ជំនាញ។

២. បណ្តុះភាពឆ្លាតវៃផ្លូវចិត្ត និងទំនាក់ទំនងសង្គម 

មិនថាតែការលេងដែលត្រូវបានណែនាំដោយគ្រូបង្រៀន ឬការលេងបែបសេរី កុមារនឹងទទួលបាននូវ៖

• ការយល់ចិត្ត: តាមរយៈការលេងដើរតួជាតួអង្គផ្សេងៗ ជួយឱ្យកូនចេះយល់ពីអារម្មណ៍អ្នកដទៃ។
• ការធ្វើការងារក្រុម: ការលេងហ្គេមជាក្រុម បង្រៀនឱ្យកូនចេះចែករំលែក ចេះអត់ធ្មត់ និងចេះសហការ។
• ភាពជឿជាក់លើខ្លួនឯង: នៅពេលកូនអាចបញ្ចប់ការលេងអ្វីមួយដោយជោគជ័យ វានឹងបង្កើតនូវភាពក្លាហាន និងឯករាជ្យភាព។

៣. ត្រៀមលក្ខណៈរួចជាស្រេចសម្រាប់ភាពជោគជ័យផ្នែកសិក្សា

តើអ្នកដឹងទេថា ការលេងតម្រៀបរូបភាព ឬការលេងតុក្កតា គឺជាការហ្វឹកហាត់ ការចងចាំ និងការផ្ដោតអារម្មណ៍ កម្រិតខ្ពស់? វិធីសាស្ត្រនេះជួយឱ្យកុមារទទួលបានចំណេះដឹងដោយមិនមានសម្ពាធ ដែលធ្វើឱ្យពួកគេមានមូលដ្ឋានគ្រឹះរឹងមាំសម្រាប់ថ្នាក់បឋមសិក្សា និងការសិក្សានៅថ្ងៃអនាគត។

សរុបមក៖ ការរៀនតាមរយៈការលេង ធ្វើឱ្យកុមារស្រឡាញ់ការរៀនសូត្រតាំងពីតូច ដែលជាគន្លឹះនៃភាពជោគជ័យពេញមួយជីវិត។