ប្រាសាទអង្គរវត្ត គឺជាទីស្ងើចស្ញែងរបស់ប្រជាជនខ្មែរ និងពិភពលោក ព្រោះតែភាពមហិមា របស់ប្រាសាទ។ ក្រៅពីនេះ ប្រាសាទដ៏ល្អឆើតមួយនេះ មានអាថ៌កំបាំងដែលមិនសូវមានអ្នកដឹងដូចជា៖

• ការបែរមុខទៅទិសខាងលិច ដែលជានិមិត្តរូបនៃព្រះវិស្ណុ និងការស្លាប់៖ មិនដូចប្រាសាទជាច្រើនដែលបែរមុខទៅទិសខាងកើត ប្រាសាទអង្គរវត្តបែរមុខទៅទិសខាងលិច ដែលជាតំណាងសេចក្ដីស្លាប់ និងដំណើរក្រោយសេចក្ដីស្លាប់។ ប្រាសាទមួយនេះ បែរមុខទៅទិសខាងលិច ដែលតំណាងឱ្យព្រះវិស្ណុផងដែរ។
• សារៈសំខាន់ នៃប្រាសាទតំណាងភ្នំព្រះសុមេរុ នៃចក្រវាឡ៖ ប្រាង្គកណ្ដាលនៃប្រាសាទអង្គរវត្ត គឺជាតំណាងភ្នំព្រះសុមេរុ ដែលជាចំណុចកណ្ដាល នៃចក្រវាឡ នៃសាសនាហិណ្ឌូ និងពុទ្ធសាសនា។
• ស្ថាបត្យកម្ម ដ៏ទំនើបនាសម័យបុរាណ៖ ប្រាសាទអង្គរវត្ត ត្រូវបានសាងសង់ដោយពុំមានការប្រើប្រាស់បាយអរ តាមរយៈការប្រើប្រាស់ថ្មភក់ ដែលកាត់ស្មើត្រឹម។ ភាពអស្ចារ្យ នៃស្ថាបត្យកម្ម ធ្វើឱ្យមនុស្សជាច្រើនយល់ថាប្រាសាទនេះ ត្រូវកសាងដោយប្រើប្រាស់បច្ចេកវិទ្យាទំនើបអស្ចារ្យជាងគេនាសម័យនោះ ប៉ុន្តែត្រូវបានបំភ្លេចទៅតាមកាលវេលា។

ប្រាសាទអង្គរវត្ត មិនត្រឹមតែជាសំណង់ដ៏មហោស្ចារ្យនោះទេ ប៉ុន្តែប្រាសាទមួយនេះ គឺជាការលាយល្បាយបញ្ចូលគ្នាចំណេះដឹងវិទ្យាសាស្ត្រ អត្តសញ្ញាណសាសនា និងភាពកំពូល នៃស្ថាបត្យកម្ម ដែលធ្វើឱ្យអ្នកជំនាញ និងអ្នកទស្សនាជាច្រើនចង់ដឹង និងចង់ស្វែងយល់បន្ថែម៕