CDC អនុម័តគម្រោងថ្មីៗចំនួន ៣ ក្នុងទំហំទឹកប្រាក់ជិត ១៨លានដុល្លារ
បើតាមក្រុមប្រឹក្សាអភិវឌ្ឍន៍កម្ពុជា ក្រុមហ៊ុនទាំង៣នោះរួមមាន ក្រុមហ៊ុន «PENGJIAO (CAMBODIA) INDUSTRIAL CO., LTD» គម្រោងបង្កើតរោងចក្រកាត់ដេរសម្លៀកបំពាក់ដែលមានទីតាំងវិនិយោគស្ថិតនៅភូមិសំរោង ឃុំសូភី ស្រុកបាទី ខេត្តតាកែវ ក្នុងទុនវិនិយោគប្រមាណ ៧លានដុល្លារអាមេរិក និងអាចបង្កើតការងារបានចំនួន ៣.២៥៨កន្លែង។
ដោយឡែកក្រុមហ៊ុន «ZHONG SHAN TENG FEI (CAMBODIA) PACKAGING MATERIAL CO., LTD» គម្រោងបង្កើតរោងចក្រផលិតសម្ភារៈវេចខ្ចប់ ដែលមានទីតាំងវិនិយោគស្ថិតនៅភូមិទួលសំបូរ ឃុំដំណាក់រាំង ស្រុកឧដុង្គ ខេត្តកំពង់ស្ពឺ ក្នុងទុនវិនិយោគប្រមាណ ៥,៥លានដុល្លារអាមេរិក និងអាចបង្កើតការងារបានចំនួន ១.០៧៦កន្លែង។
រីឯក្រុមហ៊ុន «SSH CB SUSTAINABLE FASHION CO., LTD» គម្រោងបង្កើតរោងចក្រកាត់ដេរសម្លៀកបំពាក់ដែលមានទីតាំងវិនិយោគស្ថិតនៅភូមិព្រៃសាលា ឃុំរលាំងគ្រើល ស្រុកសំរោងទង ខេត្តកំពង់ស្ពឺ ក្នុងទុនវិនិយោគប្រមាណ ៥,១លានដុល្លារអាមេរិក និងអាចបង្កើតការងារបានចំនួន ២.១៤៨កន្លែង៕
អត្ថបទទាក់ទង
.jpg)
