លោកពូ​រត់​កង់​បី​ម្នាក់​នៅ​បេនឡាន​ផ្សារ​អូ​ឡាំ​ពិ​ក​ ​សូម​មិន​បញ្ចេញ​ឈ្មោះ​ ​បាន​ផ្ដល់​បទ​សម្ភាស​ជាមួយ​អ្នក​សារ​ព័ត៌មាន​ ​T​h​e​ ​Inter​co​n ​Rooster​ ​នៅ​ថ្ងៃ​ទី​៣​ ​ខែវិច្ឆិកា​ ​នេះ​ថា​៖​ ​«​ប្រេងសាំង​ឡើង​ខុស​ពី​ធម្មតា​ ​ពេល​ដែល​រក​បាន​សាំ​វា​ធម្មតា​ ​ដល់ពេល​រក​មិនបាន​ក្នុង​បរិ​បទ​កូ​វី​ដ​សាំង​វា​ឡើងថ្លៃ​ ហ្គា​សក៏​ឡើងថ្លៃ​ ​ប្រេង​ម៉ាស៊ុត​ក៏​ឡើង​ថ្ងៃ​»​។​

​អង្គុយ​លើក​ម៉ូតូ​កង​បី​ ​ភ្នែក​សំឡឹង​មើល​ភ្ញៀវ​ ​បុរស​រូប​នេះ​និយាយរាប់រៀប​រាប់​បន្ថែម​ ​ថា​មុន​ជំងឺ​កូ​វី​ដ​នេះ​មកដល់​ ​គាត់​រកចំណូល​បាន​៦​ទៅ​៨​ម៉ឺន​ ​ពេលខ្លះ​បាន​១​០​ម៉ឺន​ ​ក៏មាន​ដែរ​ ​ហើយ​តម្លៃ​ជួលផ្ទះ​ក៏​ធូរ​ថ្លៃ​ទៀត​ ​ប៉ុន្តែ​ពេល​ដែល​ពេល​ជំងឺ​នេះ​ចូល​មក​ ​ក្នុងមួយថ្ងៃ​រកចំណូល​បាន​ ​២​ទៅ​បី​ម៉ឺន​ ​ក្នុងមួយថ្ងៃ​ហើយ​ ​សាំង​ក៏​ឡើង​ថ្ងៃ​ ​ផ្ទះ​ជួល​ក៏​ឡើងថ្លៃ​បន្ថែម​ពីលើ​ទៀត​។​

​ចំណែក​បុរស​វ័យ​កណ្តាល​ជា​អ្នក​រត់តាក់ស៊ី​ ​ពី​ភ្នំពេញ​ទៅ​ខេត្ត​ស្វាយរៀង​ម្នាក់ទៀត​ ​សូម​មិន​បញ្ចេញ​ឈ្មោះ​ដូចគ្នា​ ​ដែល​កំពុងតែ​ឈរ​ចាំ​ចាប់​ម៉ូយ​ ​បាន​និយាយ​ថា​ ​«​នៅ​ក្នុង​ស្ថានភាព​បែប​នេះ​ប្រេង​ឥន្ទ​នៈ​គួរតែ​បញ្ចុះតម្លៃ​ ឱ្យ​បាន​ទាប​សមរម្យ​ ​ព្រោះ​បច្ចុប្បន្ន​ប្រជាពលរដ្ឋ​ ​កំពុងតែ​ជួប​វិ​ប​ត្ត​សេដ្ឋកិច្ច​ ​ក្រោយ​ក​បិទ​ខ្ទប់​ប្រទេស​អស់​ជិត​ពីរ​ឆ្នាំ​»​។​

​កន្លងមក​ក្រសួង​ពាណិជ្ជកម្ម​តែងតែ​បាន​អះអាង​ថា​ ​ការ​ឡើងថ្លៃ​នៃ​តម្លៃ​ប្រេង​នៅ​កម្ពុជា​នេះ​ ​គឺ​ដោយសារ​តម្លៃ​ប្រេង​ឥន្ទ​នៈ​នៅ​លើ​ទី​ផ្សារ​អន្តរជាតិ​បាន​កើន​ឡើង​ ​ឬ​អាច​និយាយ​បាន​ថា​ ​តម្លៃ​ប្រេង​ឥន្ទ​នៈ​លក់រាយ​លើ​ទី​ផ្សារ​កម្ពុជា​ ​គឺ​មិនមែន​ក្រសួង​ពាណិជ្ជកម្ម​ ​ជា​អ្នក​កំណត់​ឡើយ​ ​ហើយ​ក្រសួង​គ្រាន់តែ​ស្រង់​ថ្លៃ​ឡើង​ឬ​ចុះ​នៃ​ប្រេង​ទៅតាម​ទី​ផ្សារ​អន្តរជាតិ​មក​គណនា​ជូន​សាធារណជន​ប៉ុណ្ណោះ​ ​។​

​បើ​តាម​ក្រសួង​ពាណិជ្ជកម្ម​ ​ប្រេង​ឥន្ទ​នៈ​ដែល​លក់រាយ​នៅ​លើ​ទី​ផ្សារ​អន្តរជាតិ​ ​ចាប់ពី​ថ្ងៃ​ទី​១​ ​ដល់​ថ្ងៃ​ទី​១​៥​ ​ខែវិច្ឆិកា​ ​ឆ្នាំ​២​០​២​១​ ​គឺ​បាន​កំណត់​តម្លៃ​លក់រាយ​ប្រភេទ​សាំង​ធម្មតា​ក្នុង​មួយ​លីត្រ​ ​៤​ ​៥​៥​០​ ​រៀល​ ​ប្រេង​ម៉ា​ស៊ូត​ក្នុង​មួយ​លីត្រ​ ​៤​ ​១​០​០​រៀល​។​

​ទោះ​ជា​បែប​ណា​ក៏ដោយ​ ​តម្លៃ​លក់​ប្រេង​ឥន្ទ​នៈ​នៅ​លើ​ទី​ផ្សារ​កម្ពុជា​នៅតែ​មាន​តម្លៃ​ខ្ពស់​នៅឡើយ​ ​ហើយ​ប្រជាពលរដ្ឋ​នៅតែ​ស្នើ​ឱ្យ​មានការ​បញ្ចុះតម្លៃ​ ​ដើម្បី​ឱ្យ​ស្រប​ទៅ​នឹង​ការ​តម្រូវ​ការ​របស់​ប្រជាពលរដ្ឋ​៕​