ឱកាសសិស្សបញ្ចេញសមត្ថភាព លើការប្រកួតចំណេះដឹង វប្បធម៌ អរិយធម៌ខ្មែរ
Admin
សាលារៀន អន្តរទ្វីប អាមេរិកាំង គ្រប់សាខា បានប្រកាសទទួលចុះឈ្មោះសិស្សានុសិស្សដែលមានបំណងចង់បញ្ចេញសមត្ថភាពលើចំណេះដឹងផ្នែក វប្បធម៌ អរិយធម៌ខ្មែរ ដើម្បីប្រកួតប្រជែងដណ្ដើមយកពានរង្វាន់ ម៉េងលី ជេ. គួច លើកទី៦។ បេក្ខជនមានសិទ្ធិចូលរួមប្រកួតក្នុងកម្មវិធីចំណេះដឹងនេះ ត្រូវតែជាសិស្សរៀនថ្នាក់ទី៧ដល់ថ្នាក់ទី១២ នៃសាលារៀន អន្តរទ្វីប អាមេរិកាំង។
តាមការឱ្យដឹងពីគណៈគ្រប់គ្រង ការប្រកួតចំណេះដឹង ផ្នែកវប្បធម៌ អរិយធម៌ ពាន់រង្វាន់ ម៉េងលី ជេ. គួច រៀបចំដោយសាលារៀន អន្តរទ្វីប អាមេរិកាំង គឺជាកម្មវិធីប្រកួតចំណេះដឹងពិសេសមួយ ដែលធ្វើឡើងក្នុងគោលបំណងផ្ដល់ឱកាសដល់សិស្សបញ្ចេញសមត្ថភាពលើប្រកួតប្រជែងចំណេះដឹង វប្បធម៌ អរិយធម៌ខ្មែរ។
សូមជម្រាបជូនថា ចំពោះការទទួលចុះឈ្មោះចូលរួមប្រកួតចំណេះដឹងវប្បធម៌ អរិយធម៌ ម៉េងលី ជេ. គួច ធ្វើឡើងចាប់ពីថ្ងៃផ្សាយដំណឹងនេះ រហូតដល់ថ្ងៃទី២១ ឧសភា ២០១៩ នៅតាមការិយាល័យកិច្ចការសិស្ស នៃអគារសិក្សារៀងៗខ្លួន ហើយវគ្គជម្រុះជុំទី១ និងជម្រុះជុំទី២ ប្រព្រឹត្តទៅនៅថ្ងៃទី៨ មិថុនា ២០១៩ នៅតាមអគារនៃសាខារៀងៗខ្លួនផងដែរ។ ដោយឡែក វគ្គផ្ដាច់ព្រ័ត្រនឹងប្រព្រឹត្តទៅនៅថ្ងៃទី២៨ មិថុនា ២០១៩ នៅសាលប្រជុំ ផល គួច នៃសាលារៀន អន្តរទ្វីប អាមេរិកាំង សាខាទួលគោក ចាប់ពីម៉ោង៨ ដល់ម៉ោង១១ព្រឹក។
បេក្ខជនដែលជ័យលាភីក្នុងនៅវគ្គផ្ដាច់ព្រ័ត្រនឹងទទួលបានពានរង្វាន់ជាទីគាប់ប្រសើរពីគណៈគ្រប់គ្រងនៃសាលារៀន អន្តរទ្វីប អាមេរិកាំង។ ក្នុងនោះបេក្ខជនជាប់ជ័យលាភីលេខ១ នឹងទទួលបានអាហារូបករណ៍១០០% ពានរង្វាន់មេដាយមាស បណ្ណសរសើរ និងវត្ថុអនុស្សាវរីយ៍។ លេខ២ ទទួលបានអាហារូបករណ៍៧៥% ពានរង្វាន់មេដាយប្រាក់ បណ្ណសរសើរ និងវត្ថុអនុស្សាវរីយ៍ និងលេខ៣ ទទួលបានអាហារូបករណ៍៥០% មេដាយសំរឹទ្ធ បណ្ណសរសើរ និងវត្ថុអនុស្សាវរីយ៍៕
.jpg)
