អ្នកឧកញ៉ា គួច ម៉េងលី ចេញលិខិតសាទរ ការដាក់បញ្ចូលគុនល្បុក្កតោ ជាសម្បត្តិបេតិកភណ្ឌអរូបី
Admin
អ្នកឧកញ៉ា គួច ម៉េងលី បានបង្ហោះសារចូលរួមអបអរសាទរ យ៉ាងដូច្នេះ៖ «ឆ្លៀតក្នុងឱកាសដ៏មហានក្ខត្តប្ញក្សប្រសើរថ្លៃថ្លាឧដុង្គឧត្តមនេះ ក្នុងនាមខ្ញុំបាទជាប្រធានស្ថាបនិកកិត្តិយ នៃសហព័ន្ធកីឡាគុនល្បុក្កតោកម្ពុជា និងជាស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបត្តិ នៃក្រុមហ៊ុន ម៉េងលី ជេ. គួច អេឌ្យូខេសិន ក៏ដូចជាលោកគ្រូ អ្នកគ្រូ បុគ្គលិកគ្រប់ផ្នែក និងសិស្សានុសិស្សទាំងអស់ ពិតជាមានសេចក្ដីរំភើបរីករាយឥតឧបមា ដែល «ក្បាច់គុនល្បុក្កតោ» ត្រូវបានអង្គការយូណេស្កូ សម្រេចដាក់បញ្ចូលក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិ កាលពីថ្ងៃទី២៩ ខែវិច្ឆិកា ឆ្នាំ២០២២ នៅទីក្រុងរ៉ាបាត នៃព្រះរាជាណាចក្រម៉ារ៉ុក។»
ប្រធានស្ថាបនិកកិត្តិយ នៃសហព័ន្ធកីឡាល្បុក្កតោកម្ពុជារូបនេះ បន្ថែមទៀតថា នេះគឺជាជោគជ័យជាប្រវត្តិសាស្រ្តថ្មីមួយបន្ថែមទៀតរបស់រាជរដ្ឋាភិបាលកម្ពុជា ក្រោមការដឹកនាំដ៏ក្លៀវក្លា របស់ សម្តេចអគ្គមហាសេនាតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។
គួរជម្រាបជូនថា អ្នកឧកញ៉ា វេជ្ជបណ្ឌិត គួច ម៉េងលី ជាប្រធានស្ថាបនិកកិត្តិយស នៃសហព័ន្ធកីឡាគុនល្បុក្កតោកម្ពុជា មួយរូបដែលបានចូលរួមវិភាគទានយ៉ាងច្រើន នៅក្នុងការជួយលើកស្ទួយគុនល្បុក្កតោ ក៏ដូចជាសហព័ន្ធកីឡាគុនល្បុក្កតោទាំងមូល៕
.jpg)
