អាជ្ញាធរគ្រោងបើកឱ្យប្រើប្រាស់វិញនូវកំណាត់ផ្លូវត្រង់ចំនុចព្រះគោព្រះកែវនៅដើមខែតុលានេះ
Admin
លោកវរសេនីយ៍ឯក នន ស៊ីណាត អធិការនគរបាលស្រុកកំពង់ត្រឡាច ខេត្តកំពង់ឆ្នាំង បានប្រាប់ The Intercon Rooster ថា ដោយមានការខូចខាតច្រើន អាជ្ញាធរ និងក្រុមហ៊ុនសាងសង់ផ្លូវថ្នល់ជប៉ុនបានសម្រេចផ្អាកការធ្វើដំណើរឆ្លងកាត់កំណាត់អតីតផ្លូវជាតិលេខ៥ ប្រវែងជាង ២០០ម៉ែត្រ ហើយជួសជុលឡើងវិញ ដោយបើកផ្លូវជាតិលេខ៥ថ្មីដែលកំពុងតែសាងសង់ឱ្យធ្វើដំណើរបណ្ដោះអាសន្ន។ លោកបន្តថា កំណាត់ផ្លូវដែលខូចខាតនេះបានចាប់ផ្តើមផ្អាកការធ្វើចរាចរតាំងពីថ្ងៃទី២៨មកម្លេះ ហើយគ្រោងដាក់ឱ្យប្រើប្រាស់ឡើងវិញនៅថ្ងៃទី៦ ខែតុលាខាងមុខ តែទោះជាយ៉ាងណាការដាក់ឱ្យប្រើប្រាស់ជាក់លាក់នៅថ្ងៃណានោះគឺអាស្រ័យលើការជួសជុលជាក់ស្ដែង។
គួរបញ្ជាក់ថា កំណាត់អតីតផ្លូវជាតិលេខ ៥ត្រង់ព្រំប្រទល់ខេត្ត៣គឺខេត្តកណ្ដាល ខេត្តកំពង់ស្ពឹ និងខេត្តកណ្ដាលនេះ គឺតែងតែខូចខាតជាញឹកញាប់ ព្រោះថាត្រង់កំណាត់ផ្លូវនេះគឹចំមុខទឹកដែលហូរធ្លាក់មកពីខេត្តកំពង់ឆ្នាំងចាក់ទៅរកទន្លេសាប។ តែទោះជាយ៉ាងណានៅឆ្នាំនេះជំនន់ទឹកមិនទាន់ធ្វើឱ្យប៉ះពាល់ដល់កំណាត់ផ្លូវនេះទេ៕
អត្ថបទ៖ រតនៈ
.jpg)
