សិស្ស AIS ២រូប ត្រូវបានជ្រើសតំណាងកម្ពុជា ត្រៀមប្រកួតអូឡាំព្យាដ ទ្វីបអាស៊ី (APhO) …
Admin
សិស្សានុសិស្ស នៃសាលារៀន អន្តរទ្វីប អាមេរិកាំង (AIS) ពីររូប ត្រូវបានក្រសួងអប់រំ យុវជន និងកីឡា ជ្រើសរើសជាបេក្ខជន តំណាងកម្ពុជា ត្រៀមខ្លួនឡើងយន្តហោះទៅប្រកួតប្រជែងរូបវិទ្យាអូឡាំព្យាដ ទ្វីបអាស៊ី (APhO) លើកទី២០ នៅប្រទេសអូស្ត្រាលី ក្នុងឆ្នាំ២០១៩ នេះ។
សិស្សពូកែទូទាំងប្រទេស ផ្នែករូបវិទ្យា នៃសាលារៀន អន្តរទ្វីប អាមេរិកាំង នោះគឺ យុវតី លឹម ឆេងហ៊ុយ និងយុវសិស្ស សុខ ហ្វុយហូង សព្វថ្ងៃនេះ ជាសិស្សថ្នាក់ទី១១ នៃសាលារៀនឯកជនក្នុងរាជធានីភ្នំពេញ។
គួររម្លឹកថា មុននឹងឡើងទៅប្រកួតប្រជែងរូបវិទ្យាអូឡាំព្យាដ ទ្វីបអាស៊ី (APhO) លើកទី២០ នៅប្រទេសអូស្ត្រាលី យុវជនទាំងពីររូបនេះ ត្រូវបានក្រសួងអប់រំ យុវជន និងកីឡា រៀបចំកម្មវិធីរៀនបំប៉នបន្ថែម ថ្នាក់ក្រោយបរិញ្ញាបត្រ ផ្នែករូបវិទ្យា សិក្សានៅសាកលវិទ្យាល័យភូមិន្ទភ្នំពេញ ដើម្បីហ្វឹកហ្វឺនសមត្ថភាពបន្តទៀត មុននឹងឈានទៅប្រកួតនៅថ្ងៃខាងមុខ។ នេះបើតាមក្រសួងអប់រំ យុវជន និងកីឡា ជម្រាបជូនប្រធានមន្ទីរអប់រំ យុវជន និងកីឡា រាជធានីភ្នំពេញ។
.jpg)
