សិស្សពូកែរូបវិទ្យា ម៉ាក់ ហេងគង្គារ ត្រូវក្រសួងជ្រើសឱ្យទៅប្រកួតវិទ្យាសាស្ត្រវ័យក្មេងនៅថៃ
Admin
ទោះយ៉ាងណា មុននឹងចេញទៅចូលរួមប្រកួតអ្នកវិទ្យាសាស្ត្រវ័យក្មេងអាស៊ានបូកបី លើកទី៨ (APTJSO-8) នៅប្រទេសថៃ យុវតី ម៉ាក់ ហេងគង្គារ ត្រូវក្រសួងអប់រំ យុវជន និងកីឡា ជ្រើសជាបេក្ខជនរៀនថ្នាក់ក្រោយបរិញ្ញាបត្រ ផ្នែកវិទ្យាសាស្ត្រសិក្សានៅសាកលវិទ្យាល័យភូមិន្ទភ្នំពេញក្នុងបុព្វហេតុហ្វឹកហ្វឺនសមត្ថភាពបន្ថែមមុននឹងទៅប្រកួតជាផ្លូវការ។ នេះបើតាមក្រសួងអប់រំ យុវជន និងកីឡា។
តាមការកត់សម្គាល់ នេះមិនមែនជាលើកទីមួយនោះទេ ដែលសិស្សសាលារៀន អន្តរទ្វីប អាមេរិកាំង (AIS) ត្រូវបានក្រសួងអប់រំជ្រើសរើសតំណាងកម្ពុជា ដើម្បីចូលរួមក្នុងកម្មវីធីប្រកួតចំណេះដឹងផ្សេងៗ នៅតាមបណ្ដាប្រទេសនានា។
គួររម្លឹកថា នៅអាយុ១២ឆ្នាំ យុវតី ម៉ាក់ ហេងគង្គារ ដែលកាលណោះ ជាសិស្សថ្នាក់ទី៦ ធ្លាប់បានទៅចូលរួមប្រឡងសិស្សពូកែគណិតវិទ្យា អន្តរជាតិ លើកទី១២ ជាមួយសិស្សបរទេស នៅប្រទេសថៃផងដែរ កាលពីឆ្នាំ២០១៥។ នៅឆ្នាំ២០១៩នេះ សិស្សពូកែម្នាក់នេះ កំពុងតែត្រៀមខ្លួន ដើម្បីចូលរួមប្រកួតចំណេះដឹងផ្នែកវិទ្យាសាស្រ្តវ័យក្មេងជាមួយសិស្សបរទេស នៅប្រទេសថៃ បន្ទាប់ពីបានក្លាយជាសិស្សពូកែទូទាំងប្រទេស ផ្នែករូបវិទ្យា កាលពីកន្លងទៅ៕
.jpg)
