មជ្ឈមណ្ឌលភាសា អេ អាយ អាយ​(Aii) បានចាប់ផ្តើមវគ្គទី84 ជាមួយនឹងកិច្ចប្រជុំតម្រង់ទិសសម្រាប់វគ្គសិក្សាថ្មី ដោយស្វាគមន៍យ៉ាងកក់ក្តៅចំពោះគ្រូបង្រៀនថ្មី និងគ្រូបង្រៀនទាំងអស់របស់ Aii។ កិច្ចប្រជុំតម្រង់ទិសនេះបង្ហាញពីការប្តេជ្ញាចិត្តរបស់ Aii ចំពោះការផ្តល់ការអប់រំប្រកបដោយគុណភាព ពង្រឹងសហគមន៍សិក្សាដ៏រស់រវើក និងជួយឱ្យគ្រូបង្រៀនថ្មីៗអាចបន្សាំខ្លួននៅកន្លែងធ្វើការថ្មីដោយរលូន និងមានប្រសិទ្ធភាព។

អ្នកឧកញ៉ា វេជ្ជបណ្ឌិត គួច ម៉េងលី ស្ថាបនិក​ ប្រធាន​​ក្រុម​​ប្រឹក្សា​ភិបាល​ និង​អគ្គនាយក​ប្រតិបត្តិ ​នៃក្រុមហ៊ុន ម៉េងលី ជេ. គួច អេឌ្យូខេសិន បានលើកឡើងពីសារៈសំខាន់នៃការបង្រៀនប្រកបដោយភាពច្នៃប្រឌិត និងការងារសង្គម។ កិច្ចប្រជុំតម្រង់ទិសនេះមានដូចជា ការពន្យល់អំពីគោលការណ៍សំខាន់ៗ និងបេសកកម្មរបស់ស្ថាប័នដើម្បីផ្តល់នូវបទពិសោធសិក្សាដ៏ល្អបំផុតដល់សិស្សានុសិស្ស និងសហគមន៍អ្នកសិក្សារបស់ Aii។​

Aii បន្តផ្តល់ជូននូវកម្មវិធីភាសាដ៏ទូលំទូលាយលើជំនាញភាសាអង់គ្លេស ភាសាចិន និងផាសាថៃ រួមជាមួយនឹងសកម្មភាពក្រៅកម្មវិធីសិក្សាដ៏សម្បូរបែប ដែលធានាបាននូវបទពិសោធដ៏អប់រំល្អមួយ (Holistic Approach) ជូនដល់សិស្សានុសិស្ស។

Aii កំពុងធ្វើដំណើរនៅលើ «វិថីឆ្ពោះទៅកាន់ ២ទសវត្សរ៍​​ (Road to 2 Decades)» របស់ខ្លួន ក្នុងការផ្តល់ការអប់រំប្រកបដោយគុណភាព និងការលើកទឹកចិត្តដល់សិស្សានុសិស្ស លោកគ្រូ និងអ្នកគ្រូសម្រាប់ការអប់រំនៅសតវត្សរ៍ទី២១។

សម្រាប់វគ្គសិក្សាថ្មីទី84 នេះ Aii ព្រឹត្តិការណ៍សំខាន់ៗដូចជា៖

-     កម្មវិធីប្រកួតប្រជែងលើជំនាញភាសាអង់គ្លេស និងភាសាចិន

-     ពិធីសម្ពោធអគារសិក្សាថ្មីបន្ថែមនៅសាខាជ្រោយចង្វារ

-     ព្រឹត្តិការណ៍រត់ដើម្បីសប្បុរសធម៌លក្ខណៈគ្រួសារ (Family Fun Run)

-     សន្និសីទនៃការបង្រៀនថ្នាក់ជាតិ (National Teaching Conference)

-     ពិធីសម្ពោធសាខាចំការដូង

-     ពិធីសម្ពោធសាខាទួលសង្គែ

Aii គឺជាគ្រឹះស្ថានអប់រំឈានមុខគេមួយនៅប្រទេសកម្ពុជា ដែលផ្តល់ជូននូវកម្មវិធី និងវគ្គសិក្សាយ៉ាងសម្បូរបែបលើជំនាញភាសាអង់គ្លេស ចិន និងថៃ ហើយជំនាញភាសាបារាំង និងភាសាខ្មែរនឹងមកដល់ឆាប់ៗនេះ។ ដោយមានការប្តេជ្ញាចិត្តយ៉ាងមុតមាំលើការផ្តល់ការអប់រំប្រកបដោយគុណភាព និងភាពជោគជ័យរបស់សិស្សានុសិស្ស Aii ទទួលបានកេរ្តិ៍ឈ្មោះ និងទំនុកចិត្តក្នុងការផ្តល់ការអប់រំលើជំនាញភាសា៕