លោកស្រី​ ​ឱ​ ​វណ្ណ​ឌី​ន​ ​អ្នកនាំពាក្យ​ក្រសួងសុខាភិបាល​ ​មុននេះ​បន្តិច​ ​បាន​ផ្ញើ​សារ​ក្រើន​រំលឹក​ដល់​ប្រជាពលរដ្ឋ​ឱ្យ​យកចិត្តទុកដាក់​ចំពោះ​សុខភាព​ ​ទោះ​ស្ថានភាព​ជំងឺ​កូ​វី​ដ​-​១​៩​ ​កាន់តែ​ប្រសើរ​ ​ប៉ុន្តែ​ពុំមែន​មានន័យ​ថា​ កូ​វី​ដ​-​១​៩​ផុតរលត់​ទៅវិញ​នោះ​ទេ​។​

ការ​ផ្ញើ​សារ​ក្រើន​រំលឹក​របស់​មន្ត្រី​ជាន់ខ្ពស់​ក្រសួងសុខាភិបាល​រូប​នេះ​ ​ធ្វើឡើង​ក្រោយ​ក្រសួងសុខាភិបាល​ប្រកាស​ព័ត៌មាន​ថា​ ​ក្នុងរយៈពេល​មួយ​ស​ប្ដាហ៍​មក​ហើយ​ ​ដែល​កម្ពុជា​គ្មាន​ករណី​ឆ្លង​ ​និង​ស្លាប់​ដោយសារ​ជំងឺ​កូ​វី​ដ​-​១​៩​។​

លោកស្រី​បន្ត​ថា​ ​វ៉ាក់សាំង​កូ​វី​ដ​-​១​៩​ ​គឺជា​ឧបករណ៍​ដ៏​មាន​សារៈសំខាន់​មួយ​ដែល​អាច​ជួយសង្គ្រោះ​ជីវិត​មនុស្ស​ ​និង​អំពាវនាវ​ឱ្យ​ពលរដ្ឋ​បន្ត​ទទួលយក​ការ​ចាក់​វ៉ាក់សាំង​ដូ​ស​ជំរុញ​។​ ដូ​ស​ជំរុញ​ ​ជា​ជម្រើស​ដ៏​ល្អ​ក្នុង​ការ​បង្ការ​ ​និង​រក្សា​ភាព​ស៊ាំ​ក្នុង​ខ្លួន​ ​ដើម្បី​ប្រយុទ្ធ​ប្រឆាំង​នឹង​កូ​វី​ដ​-​១​៩​ ​រួម​ជាមួយនឹង​វិធានការ​ផ្សេងៗ​ ​និង​ស្ថិត​ក្នុង​ភាព​ប្រុងប្រយ័ត្ន​ដោយ​មិន​ភ្លេចខ្លួន​នៅ​ក្នុងកំលុង​ពេល​អនុវត្ត​ដំណើរការ​បើក​សង្គម​ ​និង​សេដ្ឋកិច្ច​ឡើងវិញ​ប្រកបដោយ​និរន្តរភាព​ក្នុង​ជីវិត​ធម្មតា​ថ្មី​។

ប្រភពរូបភាព៖ ក្រសួងសុខាភិបាល

ជាមួយនឹង​គ្នា​នេះ​ ​អ្នកឧកញ៉ា​ ​វេជ្ជបណ្ឌិត​ គួ​ច​ ​ម៉េង​លី​ ​អ្នកជំនាញ​ផ្នែក​សុខភាព​សាធារណៈ​ ​យល់ឃើញ​ថា​ ​សារ​របស់​មន្ត្រី​ក្រ​សួ​ខាភិ​បាល​ ​គឺ​បង្ហាញ​ពី​ការ​ពញ្ញាក់​និង​ព្រួយ​បា​ម្ភ​ចំពោះ​សុខភាព​របស់​ប្រជាពលរដ្ឋ​ ​ទោះបីជា​បច្ចុប្បន្ន​កា​រពាក់​ម៉ាស់​ក្នុង​ទី​សាធារណៈ​ត្រូវ​បាន​លុបចោល​ក៏ដោយ​ចុះ​។​

លោក​បន្ត​ថា​ ​ជំងឺ​កូ​វី​ដ​-​១​៩​ ​នៅតែ​ជា​ជំងឺរាតត្បាត​សុខភាព​សាធារណៈ​នៅឡើយ​ ​ហើយ​វា​នៅ​កើតមានឡើង​គ្រប់​ប្រទេស​ ​និង​អាច​រាតត្បាត​គ្រប់​ទីកន្លែង​ ​ប្រសិនបើ​មនុស្ស​គ្រប់រូប​ធ្វេសប្រហែស​ ​ប៉ុន្តែ​សម្រាប់​ប្រទេស​ក​ម្ព​ជា​មាន​ភព្វ​សំណាងល្អ​ ​ដែល​រាជរដ្ឋាភិបាល​រៀបចំផែនការ​យុទ្ធសាស្ត្រ​បាន​ត្រឹមត្រូវ​និង​បាន​ទាន់ពេល​វេលា​។​

លោក​វេជ្ជបណ្ឌិត​ គួ​ច​ ​ម៉េង​លី​ ​បាន​បញ្ជាក់​យ៉ាង​ដូច្នេះ​ថា​៖​ ​«​រហូតដល់​៧​ថ្ងៃ​ចុងក្រោយ​នេះ​ ​គឺ​អត់មាន​ករណី​សោះ​ ​ក៏ប៉ុន្តែ​មិន​អាច​សន្មត​ថា​ ​យើង​មិន​អត់​ឆ្លង​រហូត​នោះ​ទេ​ ​ព្រោះ​ជំងឺ​កូ​វី​ដ​-​១​៩​នៅតែ​មាន​ទូទាំង​ពី​ភព​លោក​។​ ​ម្យ៉ាង​ប្រទេស​កំពុង​បើ​ចំហ​ ​អ៊ីចឹង​ការ​ចេញចូល​ពីក្រៅ​មក​ក្នុង​ប្រទេស​អាច​មានការ​នាំ​ឆ្លង​ពីក្រៅ​ទៅ​ក្នុង​ ​និង​ពី​ក្នុង​ទៅក្រៅ​។​»​

ស្រដៀងនឹង​ការ​លើកឡើង​របស់​មន្ត្រី​ជាន់ខ្ពស់​របស់​​​ក្រសួងសុខាភិបាល​ដែរ​ ​លោក​វេជ្ជបណ្ឌិត​ គួ​ច​ ​ម៉េង​លី​ ​បាន​អំពាវនាវ​ឱ្យ​ពលរដ្ឋ​បន្ត​មាន​កាតព្វកិច្ច​បុគ្គល​ដែល​ចេះ​ការ​ការពារ​សុខភាព​ខ្លួនឯង​ជំងឺឆ្លង​នានា​ ​ដោយ​ការ​លាងដៃ​ ​ការ​បរិភោគអាហារ​ដែល​មាន​ជីវភាព​ ​ការ​គេង​ឱ្យស្ថប់ ​និង​កា​រពាក់​ម៉ាស់​នៅកន្លែង​ដែល​មនុស្ស​មនុស្ស​ច្រើន​កុះករ​ ​ទោះបីជា​បច្ចុប្បន្ន​កា​រពាក់​ម៉ាស់​ត្រូវ​បាន​លើកឡើង​តាម​ទី​សាធារណៈ​ក៏ដោយ​។​ ​លោក​ថា​ ​អ្វី​ទាំងនេះ​ហើយ​ ​ជា​វិធីសាស្ត្រ​មួយ​ជួយ​ពង្រឹង​ប្រព័ន្ធ​ការពារ​សុខភាព​ ​ទោះបីជា​មាន​មេរោគ​កូ​វី​ដ​-​១​៩​ ​ក៏​មិន​អាច​វាយលុក​ឈ្នះ​ប្រព័ន្ធ​ការ​ ​ពារ​នេះ​ដែរ​។​

លោក​វេជ្ជបណ្ឌិត​ជំនាញ​សុខភាព​សាធារណៈ​ខាងលើ​ ​បញ្ជាក់​យ៉ាង​ដូច្នេះ​ថា​ ​«​ប្រទេស​យើង​ ​ជា​ប្រទេស​មួយ​ដែល​បាន​ ​Quarantine​ (​ធ្វើ​ច​ត្តាឡី​ស័ក​) ​និង​ដែល​បាន​ផ្សាំ​ផ្ស៊ាំ​ជំងឺ​កូ​វី​ដ​ ​ស្ទើរតែ​១​០​០​ភាគរយ​ទៅ​ហើយ​ ​ក៏ប៉ុន្តែ​ក៏​មិន​អាច​សន្មត​ថា​ ​វា​មិន​អាច​អត់​បំ​ប្លែងខ្លួន​ទៅ​អ្វី​ផ្សេងទៀត​ទេ​ ​ព្រោះ​ដូច​យើង​ដឹង​ហើយ​ជំងឺ​កូ​វី​ដ​វា​បំ​ប្លែងខ្លួន​រហូត​៕​»

ប្រភពរូបភាព៖ ក្រសួងសុខាភិបាល

ប្រភពរូបភាព៖ ក្រសួងទេសចរណ៍