លោក​ឧត្តមសេនីយ៍ត្រី​ ​អ៊ុ​ ​សុភា​ ​មេបញ្ជាការ​តំបន់ប្រតិបត្តិការសឹក​រង​កំពង់ឆ្នាំង​ ​និង​ជា​ប្រធាន​សមាគម​អតីត​យុទ្ធជន​កម្ពុជា​ខេត្ត​ ​នៅ​រសៀល​ថ្ងៃ​ទី​២​៩​ ​ខែ​សីហា​ ​ឆ្នាំ​ ​២​០​២​២​ ​បាន​ដឹកនាំ​ក្រុម​ការងារ​មនុស្សធម៌​ ​រួម​សហការ​ជាមួយ​អាជ្ញាធរ​មូលដ្ឋាន​ភូមិ​ថ្មី​ឃុំ​ជ្រៃ​បាក់​ ​ស្រុក​រលា​ប្អៀ​រ​ ​នាំ​យក​អង្ករ​ចំនួន​៧​៥​គីឡូក្រាម​ ​មី​១​កេះ​ ​ទឹកត្រី​១​យួរ​ ​ទឹកស៊ីអ៊ីវ​១​យួរ​ ​ត្រីខ​១​យួរ​ ​អាវរងា​១​អាវ​ ​មុង​១​ ​ម៉ាស់​១​ប្រអប់​ ជែ​ល​លាងដៃ​៣​ដប​ ​និង​ថវិកា​មួយ​ចំនួន​ ​ដែល​ជាអំណោយ​របស់​លោក​ឧត្តមសេនីយ៍ឯក​ ​ហ៊ុន​ ​ម៉ា​ណែ​ត​ ​អគ្គ​មេបញ្ជាការ​រង​ ​នៃ​កងយោធពលខេមរភូមិន្ទ​ ​និង​ជា​មេបញ្ជាការ​ ​កងទ័ពជើងគោក​ ​និង​លោកជំទាវ​ ពេ​ជ​ ​ច​ន្ន​មុន្នី​ ​ហ៊ុន​ ​ម៉ា​ណែ​ត​ ​ឧបត្ថម្ភ​ជូន​លោក​ជេ​ត​ ​ផល្លី​ ​អាយុ​៦​១​ឆ្នាំ​ ​និង​ប្រពន្ធ​ឈ្មោះ​ ​ស​ ​សារី​ម​ ​អាយុ​៦​១​ឆ្នាំ​ ​ជា​អតីត​​មេភូមិ​ថ្មី​ ​ទាំង​ប្ដី​ ​និង​ប្រពន្ធ​ ​ដែល​បច្ចុប្បន្ន​កំពុង​មាន​ស្ថានភាព​ទីទ័លក្រ​ដោយសារ​មាន​ជំងឺ​ប្រចាំ​កាយ​ពិការ​មួយ​ចំហៀង​ខ្លួន​ទាំងពីរ​នាក់​។​

លោក​ ជេ​ត​ ​ផល្លី​ ​គឺជា​អតីត​អនុ​ ​និង​ប្រធាន​ភូមិ​ថ្មី​រយៈពេល​ ​៨​ ​ឆ្នាំ​ ​មាន​ជំងឺលើសឈាម​ពិការ​មួយ​ចំហៀង​ខ្លួន​ជាង​មួយ​ឆ្នាំ​ហើយ​ ​ហើយ​ស្ថានភាព​ជំងឺ​បច្ចុប្បន្ន​ដើរ​ពុំ​រួច​ ​និយាយ​មិន​ចេញ​ ​។

​ចំណែក​ស្ត្រី​ជា​ប្រពន្ធ​មានឈ្មោះ​ ​ស​ ​សារី​ម​ ​អាយុ​៦​៣​ ​ឆ្នាំ​ ​ធ្លាប់ធ្វើ​ជា​ប្រធាន​ភូមិ​ថ្មី​រយៈពេល​ ​៣​ ​ឆ្នាំ​ ​មាន​ជំងឺលើសឈាម​ពិការ​មួយ​ចំហៀង​ខ្លួន​រយៈពេល​ជាង​៥​ឆ្នាំ​មក​ហើយ​។​ ​ពេលនេះ​អ្នកស្រី​អាច​ដើរ​រួច​តិចៗ​ ​ប៉ុន្តែ​មិន​អាច​ធ្វើការងារ​ចិញ្ចឹមជីវិត​បាន​ឡើយ​ ​។​
​បុរស​ ​និង​ស្ត្រី​ ​ប្ដី​ប្រពន្ធ​ដែល​កំពុង​មាន​ជំងឺ​ ​និង​កំពុង​ជួប​ការ​ខ្វះខាត​ ​បាន​ថ្លែង​អំណរគុណ​ចំពោះ​លោក​ ​ហ៊ុន​ ​ម៉ា​ណែ​ត​ ​លោក​មេបញ្ជាការ​តំបន់ប្រតិបត្តិការសឹក​រង​កំពង់ឆ្នាំង​ ​រួម​ទាំង​ក្រុម​ការងារ​ដែល​បាន​យកចិត្តទុកដាក់​គិតគូរ​ផ្តល់​អំណោយ​ខាងលើ​នេះ​ដល់​រូប​គាត់​៕​
​អត្ថបទ​៖​ ​ភ្នាក់ងារ​ខេត្ត​កំពង់ឆ្នាំង​
​