ធ្លាក់ខ្យល់ពីជើង ប្រជាកសិករចាប់ផ្ដើមប្រមូលផលស្រូវរដូវវស្សាហើយ
Admin
អ្នកស្រី សែម ប៉ុក កសិករមួយរូបនៅក្នុងសង្កាត់ទៀនខណ្ឌដង្កោ រាជធានីភ្នំពេញ បានប្រាប់MJQTV ថា អ្នកស្រីធ្វើស្រែលើដីប្រមាណ៣ហិកតា ហើយទើបចាប់ផ្ដើមប្រមូលផលបានប្រមាណ២០ភាគរយប៉ុណ្ណោះ។ អ្នកស្រីបន្ថែមថា ឆ្នាំនេះតម្លៃស្រូវហាក់កើនឡើងដែលធ្វើឱ្យគាត់មានកម្លាំងចិត្តក្នុងការដាំដុះ។ អ្នកស្រីបន្តថា «ឆ្នាំនេះរាងគ្រាន់ជាងឆ្នាំទៅ (ឆ្នាំមុន) ឆ្នាំទៅធ្លាក់ដល់៧៥០រៀលក្នុងមួយគីឡូក្រាម ដល់ឥឡូវយើងបាន៨៥០រៀលដែរ អាហ្នឹងស្រូវ អ៊ីអ៊ែ បើផ្កាម្លិះយើងបាន១០៥០រៀលក្នុងមួយគីឡូក្រាម »។
យោងតាមរបាយការណ៍ស្តីពីល្បឿងការងារនៃការប្រមូលផលស្រូវរដូវវស្សាឆ្នាំ២០២២ គិតត្រឹមដើមខែវិច្ឆិកាដែលលោក ស្រី វុឌ្ឍី អ្នកនាំក្រសួងកសិកម្ម រុក្ខា ប្រមាញ់ និងនេសាទផ្ដល់ឱ្យ MJQTV បានដឹងថា ផ្ទៃដីប្រមូលផលសុរបមានចំនួន ៦៧៣.២៣ ហិកតា ទទួលបានផលចំនួន ២.៦១៣.៥៣០ តោន។ បើប្រៀបនឹងរយៈពេលដូចគ្នាក្នុងឆ្នាំ២០២១គឺថយចុះ ២,៥៤%៕
.jpg)
