គ្រឹះស្ថានអប់រំ AIS អភិរក្ស និងលើកស្ទួយល្បែងប្រជាប្រិយនាឱកាសបុណ្យចូលខ្មែរ
Admin
ដើម្បីរួមចំណែកអភិរក្ស និងលើកស្ទួយវិស័យល្បែងប្រជាប្រិយខ្មែរនោះ គណៈគ្រប់គ្រងនៃសាលារៀន អន្តរទ្វីប អាមេរិកាំង បានតុបតែងទាំងក្រៅ និងខាងក្នុងបរិវេណគ្រឹះស្ថានសិក្សាលក្ខណៈខ្មែរបែបបុរាណ ព្រមទាំងដឹកនាំសិស្សានុសិស្សលេងល្បែងប្រជាប្រិយខ្មែរ។
បើតាមនាយិកា នៃសាលារៀន អន្តរទ្វីប អាមេរិកាំង សាខាទួលគោក លោកស្រី សាឯម កម្រង បានឱ្យដឹងថា ជារៀងរាល់ឆ្នាំ មុនថ្ងៃចូលឆ្នាំខ្មែរមកដល់សាលារៀនតែងបញ្ជ្រាប និងលើកទឹកចិត្តសិស្សានុសិស្សឱ្យលេងល្បែងប្រជាប្រិយខ្មែរ ដើម្បីអភិរក្ស និងរួមចំណែកលើកស្ទួយវិស័យល្បែងប្រជាប្រិយខ្មែរ ដែលជាកេរដំណែលរបស់បុព្វបុរសខ្មែរ។
លោកស្រីបញ្ជាក់ថា តាមរយៈនៃការលេងល្បែងប្រជាប្រិយនេះ គឺជាការម្លឹក និងពញ្ញាក់អារម្មណ៍ដល់កូនខ្មែរឱ្យស្គាល់កាន់តែច្បាស់ពីវប្បធម៌ អារ្យធម៌ ទំនៀមទម្លាប់ខ្មែរ ព្រមទាំងចូលរួមគាំទ្រ និងលើកស្ទួយទាំងអស់គ្នា។
សាលារៀន អន្តរទ្វីប អាមេរិកាំង ជាសាលារៀនឯកជនមួយ មិនត្រឹមតែមាននូវគុណភាព វិន័យ និងសេវាកម្មប៉ុណ្ណោះទេ ថែមទាំងចូលរួមយ៉ាងសកម្មក្នុងការអភិរក្សនូវវិស័យអក្សរសិល្ប៍ អក្សរសាស្ត្រ និងវប្បធម៌ អារ្យធម៌ខ្មែរ យ៉ាងផុសផុលផងដែរ។ នេះបើតាមការបញ្ជាក់បន្ថែមពីនាយិកាដដែលរូបនេះ៕
ខាងក្រោមនេះ ជាសកម្មភាពខ្លះៗ ដែលលោកគ្រូ អ្នកគ្រូ នៃសាលារៀន អន្តរទ្វីប អាមេរិកាំង សាខាទួលគោក ដឹកនាំសិស្សានុសិស្សលេងល្បែងប្រជាប្រិយដោយក្ដីរីករាយ៖
.jpg)
