ក្រុមហ៊ុនថ្មីមួយគ្រោងផលិតមាសឱ្យបាន២០គីឡូក្នុងមួយខែក្នុងគម្រោងសាកល្បង៣ខែដំបូង
Admin
តាមការបញ្ជាក់ពីក្រុមហ៊ុន Xing Yuan Kanng Yeak Co., Ltd បើតាមគម្រោងសាកល្បង៣ខែដំបូង ក្រុមហ៊ុនគ្រោងផលិតឱ្យបាន២០គីឡូក្រាមក្នុងមួយខែ ដែលគិតត្រឹមខែធ្នូ ឆ្នាំ២០២២ខាងមុខនេះ ក្រុមហ៊ុនគ្រោងផលិតឱ្យបានចំនួន ៦០គីឡូក្រាម។
សូមបញ្ជាក់ថា ក្រុមហ៊ុន Xing Yuan Kanng Yeak Co., Ltd ទទួលបានអាជ្ញាបណ្ណឧស្សាហកម្មអាជីវកម្មរ៉ែមាសពីក្រសួងរ៉ែនិងថាមពល កាលពីខែសីហា ឆ្នាំ២០១៨ លើទំហំដីចំនួន២៨គីឡូម៉ែត្រក្រឡា ដើម្បីប្រតិបត្តិការអាជីវកម្មរ៉ែមាសរបស់ខ្លួននៅស្រុកសំបូរ ខេត្តក្រចេះ។ ក្រោយពីទទួលបានអាជ្ញាបណ្ណ ក្រុមហ៊ុនបានដំឡើងខ្សែសង្វាក់ផលិតកម្មអាជីវកម្មរបស់ខ្លួន តែដោយសារតែបញ្ហាកូវីដ១៩ ក្រុមហ៊ុនទើបតែបានបញ្ចប់ការសាងសង់ និងរៀបចំខ្សែសង្វាក់ផលិតកម្មរបស់ខ្លួននៅក្នុងខែតុលា ឆ្នាំ២០២២ នេះ៕
.jpg)
