កៅម៉េង ហេងលី៖ AIS កែប្រែខ្ញុំពីក្មេងដែលមិនខំសិក្សា ក្លាយជាសិស្សពូកែ
Admin
យុវសិស្ស កៅម៉េង ហេងលី គឺជាអតីតសិស្ស នៃសាលារៀន អន្តរទ្វីប អាមេរិកាំងសាខាគោក។ យុវសិស្សរូបនេះ បានប្តូរមករៀន នៅសាលារៀន អន្តរទ្វីប អាមេរិកាំង នៅថ្នាក់ទី៩។ចូលរៀនដំបូងរូបគេរូបគេត្រឹមតែជាសិស្សមធ្យមប៉ុណ្ណោះ។
យុវសិស្ស ដែលមានរាងតូចល្អិត រូបនេះ រៀបរាប់ថា«AIS កែប្រែខ្ញុំច្រើន ខ្ញុំគិតថា ប្រសិនបើខ្ញុំរៀននៅខេត្តប្រហែលជាអត់អាចបាននិទ្ទេស Aនោះទេ។ កាលរៀននៅបន្ទាយមានជ័យ មួយអាទិត្យអ៊ីចឹងឈប់ ពីរ ទៅ បីថ្ងៃ អ៊ីចឹងខ្ញុំឈប់ច្រើន ហើយមួយទៀតពិន្ទុបានតែមួយជាប់ៗ ព្រោះអីអាងពេលប្រឡងអាចមើលគ្នាបាន ដល់ពេលនៅ AIS ពេលប្រឡងតឹង អនុរក្សនៅក្នុង២នាក់ហើយ នៅមើលតាមកាមេរ៉ាទៀត អ៊ីចឹងនៅផ្ទះខំ មកសាលាខំ ដើម្បីប្រឡងបានជាប់។»
ជាសិស្សរៀនបានត្រឹមកម្រិតធម្យមនៅសាលារៀនមួយនៅខេត្តបន្ទាយមានជ័យ ហេងលី មិនមែនជាសិស្សដែលសង្វាតនឹងការសិក្សាប៉ុន្មានឡើយ ហើយម្តងម្កាលក៏ធ្លាប់គេច មិនចូលរៀនផងដែរ។
តែអត្តចរិក និងភាពខ្ចិលនេះ បានផ្លាស់ប្តូរ ក្រោយយុវសិស្សរូបនេះ បានប្តូរមករៀននៅទីក្រុងភ្នំពេញ ដោយចូលរៀននៅសាលារៀន អន្តរទ្វីប អាមេរិកាំង។ ការកែប្រែនេះ ដោយសារបរិយាកាសសិក្សា ការបង្រៀនដោយយកចិត្តទុកដាក់ និងវិន័យដ៏តឹងរឹងរបស់សាលា ជាពិសេសគ្រូ មានបទបទពិសោធ និងឯកទេសបង្រៀនល្អ ដែលជំរុញឱ្យការសិក្សារបស់ខ្លួន កាន់តែប្រសើរឡើងជាលំដាប់។
ហេងលី៖«ពេលម៉ោងរៀនយើងត្រូវស្ងាត់ អ៊ីចឹងពង្រឹងសមត្ថភាពយើងបានច្រើន ក៏ដូចជាស្តាប់គ្រូពន្យល់បានល្អ…។ វិន័យច្រើន តែពេលយូរៗទៅស៊ាំ មានអារម្មណ៍ថាខ្លួនធ្វើបានល្អច្រើន។»
ហេងលី បានស្គាល់ AIS ដំបូង តាមរយៈបងប្រុសដែលធ្វើការនៅរាជធានីភ្នំពេញ ក្រោយពីគាត់បានដឹងថា សាលារៀនឯកជនមួយនេះ បណ្តុះបណ្តាលសិស្សប្រកបដោយគុណភាព វិន័យ សីលធម៌ និងមានចំណេះដឹងពិតប្រាកដ។
«ចូលដំបូងខ្ញុំចូលរៀនវគ្គ Summer(វគ្គរៀនត្រៀម ឬបំប៉ន់) ឃើញលោកគ្រូ គាត់យកចិត្តទុកដាក់ហើយ រំលឹកមេរៀនចាស់ៗ មានអារម្មណ៍ថា ចេះច្រើនជាងមុន អ៊ីចឹងទុកចិត្ត ជឿជាក់លើ AIS »។ ហេងលី បាននិយាយថា ក្រោយពីដែលរូបគេ បានមករៀននៅ AIS បានមួយរយៈ កត់សម្គាល់ឃើញថា ខ្លួនឯងមានការផ្លាស់ប្តូរយ៉ាងច្រើន។ មេរៀនដែលមិនចេះកន្លងមក អាចចាប់បានគ្រប់ចំណុច ចេះកំណត់ពេលរំលឹកមេរៀន។
ក្នុងនាមជាអតីតសិស្សមធ្យម ប្រែក្លាយខ្លួនជាសិស្សឆ្នើម និងជាសិស្សជាប់និទ្ទេសA ក្នុងសម័យប្រឡងបាក់ឌុបឆ្នាំ២០១៨នេះ យុវសិស្ស កៅម៉េង ហេងលី បានផ្តាំផ្ញើដល់សិស្សប្អូនដែលកំពុងត្រៀមខ្លួនប្រឡងនៅឆ្នាំក្រោយ និងឆ្នាំបន្តបន្ទាប់ទៀតថា«ខំរៀនពីដើមឆ្នាំយក A កុំខំរៀននៅចុងឆ្នាំយក E»៕
.jpg)
