កម្ពុជា នឹងធ្វើម្ចាស់ផ្ទះកម្មវិធីពិព័រណ៍បច្ចេកវិទ្យាឈានមុខគេប្រចាំឆ្នាំនៅក្នុងខែវិច្ឆិកាខាងមុខ
Admin
កម្មវិធីពិព័រណ៍បច្ចេកវិទ្យាកម្ពុជា២០២២ (Cambodia Tech Expo 2022: CTX 2022) នេះ នឹងធ្វើការរៀបចំដោយក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ ដែលនឹងចាប់ផ្ដើមចាប់ពីថ្ងៃទី១១ រហូតដល់ថ្ងៃទី១៣ ខែវិច្ឆិកា ឆ្នាំ២០២២ នៅមជ្ឈមណ្ឌលសន្និបាតនិងពិព័រណ៍កោះពេជ្រ (Venue 1) និង Factory Phnom Penh (Venue 2)។
កម្មវិធីពិព័រណ៍បច្ចេកវិទ្យានេះ ធ្វើឡើងក្នុងគោលបំណងកៀរគររដ្ឋសមាជិកអាស៊ាន រដ្ឋាភិបាល វិស័យឯកជន ស្ថាប័នស្រាវជា្រវ ដៃគូអភិវឌ្ឍន៍ និងសង្គមស៊ីវិល ដើម្បីសហការ ចែករំលែកបទពិសោធ និន្និការថ្មីៗ បញ្ហាប្រឈម និងឧត្តមានុវត្តន៍ពាក់ព័ន្ធនឹងបច្ចេកវិទ្យា សេដ្ឋកិច្ច និងសង្គមឌីជីថល និងបដិវត្តន៍ឧហ្សាហកម្មជំនាន់ទី៤។
.jpg)
លើសពីនេះ កម្មវិធីនេះក៏បានបង្ហាញអំពីវឌ្ឍនភាពគោលនយោបាយនិងក្របខណ្ឌគតិយុត្ត ជាពិសេសផលិតផលនិងសេវាបច្ចេកវិទ្យានានា។ ឆ្លុះបញ្ចាំងអំពីប្រព័ន្ធអេកូឡូស៊ីប្រកបដោយអំណោយផលនិងទាក់ទាញ ព្រមទាំងចាប់យកឱកាសវិនិយោគ ក្នុងវិស័យវិទ្យាសាស្ត្រ បច្ចេកវិទ្យា និងនុវានុវត្តន៍នៅកម្ពុជា។ អភិវឌ្ឍន៍បណ្ដាញអាជីវកម្មរវាងធុរកិច្ចបច្ចេកវិទ្យាថ្មី សហគ្រាសធុនតូចនិងមធ្យម ឧហ្សាហកម្ម និងវិនិយោគ។ ចាប់យកសក្ដានុពលនៃវិស័យវិទ្យាសាស្ត្រ បច្ចេកវិទ្យា និងនវានុវត្តិន៍។ លើកកម្ពស់ការយល់ដឹង និងបង្កើតសំណើររួម ក្របខណ្ឌ និងការស្រាវជ្រាវនិងអភិវឌ្ឍន៍រួមជាដើម៕
.jpg)
