​ស្ត្រី​មិនគួរ​ចាញ់ប្រៀប​ ​និង​កលល្បិច​របស់​បុរស​ ​ដែល​នាំ​ឱ្យ​ខកចិត្ត​ ​ខាតបង់​ ​និង​ឈឺចាប់​រហូត​ឈាន​ទៅ​ធ្វើ​អត្តឃាត​ ​ឬ​សម្លាប់​ខ្លួន​ដោយសារ​បុរស​នោះ​ទេ​។​ ​នេះ​ជា​ប្រសាសន៍​របស់​លោក​ឧកញ៉ា​ ​វេជ្ជបណ្ឌិត​ គួ​ច​ ​ម៉េង​លី​ ​ថ្លែងប្រាប់​យុវជន​ជាង​១​,​០​០​០​នាក់​ ​នៅ​ខេត្ត​កំពង់ស្ពឺ​ ​កាលពី​ថ្មីៗ​កន្លងទៅ​។​

​លោក​ឧកញ៉ា​ ​វេជ្ជបណ្ឌិត​ ​បាន​បន្ត​ថា​ ​លោក​មិន​ហាមឃាត់​មិន​ឱ្យ​យុវជន​មាន​ស្នេហា​នោះ​ទេ​ ​តែ​ក្នុង​វ័យ​សិក្សា​យុវជន​ ​ត្រូវ​ខំប្រឹង​រៀនសូត្រ​ ​ចេះ​គោរព​ ​និង​ឱ្យ​តម្លៃ​គ្នា​ទៅវិញទៅមក​។​ ​លោក​សង្កត់ធ្ងន់​ថា​ ​សម្រាប់​បុរស​ ​ត្រូវ​ឱ្យ​តម្លៃ​ខ្ពស់​ទៅលើ​ស្ត្រី​ ​ហើយ​ស្រ្តី​មិនគួរ​ភ្លេច​នូវ​ប្រពៃណី​ ​ដោយ​ចាញ់​នូវ​ពាក្យ​លួងលោម​របស់​បុរស​ ​ហើយ​ដើរខ្សែលើ​ស្ត្រី​នោះ​ឡើយ​។​

​វាគ្មិន​ដដែលអះអាង​ថា​ ​ដើម្បី​រក្សា​ចំណង​ស្នេហា​បាន​យូរអង្វែង​ ​យើង​ត្រូវ​ដឹងចិត្ត​ ​ស្គាល់​ថ្លើម​គ្នា​ឱ្យ​បាន​ច្បាស់​ ​និង​រៀបចំ​អនាគត​ជាមួយគ្នា​ឱ្យ​បាន​រួចរាល់​ ​ហើយ​ខំប្រឹង​រៀនសូត្រ​ឱ្យ​បាន​ចប់​ ​មានការងារ​ល្អ​ធ្វើ​ហើយ​ សិ​ម​កាន់ដៃគ្នា​ចូល​រោងការ​។​ ​តែ​បើ​ដើរ​ផ្លូវកាត់ ​ដោយ​ស្ត្រី​ឆាប់​ប្រគល់​អ្វីៗ​គ្រប់យ៉ាង​ឱ្យ​បុរស​មុន​ ​នោះ​ស្នេហា​ភាគច្រើន​បាក់បែក​ ​មិនសូវ​ស្ថិរភាព​ ​ឬ​យូរអង្វែង​នោះ​ទេ​។​

​អ្នកជំនាញ​វិ​ស័​យ​អប់រំ​ដដែល​បន្ត​ថា​ ​ស្ត្រី​ជា​មាតា​ពិភពលោក​ ​និង​ជា​ឆ្អឹងខ្នង​របស់​ប្រទេសជាតិ​។​ ​លោក​ឧកញ៉ា​ថា​ ​បុរស​មិន​អាច​ខ្វះ​ស្ត្រី​បាន​ឡើយ​ក្នុង​ការ​អភិវឌ្ឍ​ស្ថាប័ន​ ​ឬ​ប្រទេសជាតិ​ឱ្យ​រីក​ចម្រើន​។​ ​ដោយហេតុ​ស្ត្រី​ ​គឺជា​បុគ្គល​ដែល​ពូកែ​អត់ធ្មត់​ ​ស៊ូទ្រាំ​ ​និង​ប៉ិនប្រសប់​ក្នុង​ការ​ដឹង​នាំ​ស្ថាប័ន​ឱ្យ​រីក​ចម្រើន​។​ ​ជា​រួម​ ​នៅ​ក្នុង​សង្គមជាតិ​នីមួយៗ​ ​បើ​គ្មាន​ស្ត្រី​ចូលរួម​ទេ​ ​សង្គម​នោះ​ក៏​ពិបាក​ក្នុង​ការ​រីក​ចម្រើន​ ​និង​លូតលាស់​បាន​លឿន​ដែរ​។​ ​នេះ​ជា​ការ​បញ្ជាក់​បន្ថែម​ពី​លោក​ឧកញ៉ា​ ​វេជ្ជបណ្ឌិត​ គួ​ច​ ​ម៉េង​លី​ ​ស្ថាបនិក​ ​ប្រធាន​ក្រុមប្រឹក្សា​ភិ​បាល​ ​និង​អគ្គនាយក​ប្រតិបត្តិ​ ​នៃ​ក្រុមហ៊ុន​ ​ម៉េង​លី​ ជេ. គួ​ច​៕​