អគ្គិភ័យ បានលេបត្របាក់ផ្ទះពលរដ្ឋ៣ខ្នងខូចខាតស្ទើទាំងស្រុងនៅស្រុកខ្សាច់កណ្ដាល
Admin
ពលរដ្ឋនៅកន្លែងកើតហេតុបានឱ្យដឹងថា ភ្លើងបានឆាបឆេះចេញពីផ្ទះឈើមួយខ្នង ដោយសង្ស័យថាបណ្ដាលមកពីឆ្លងចរន្តអគ្គិសនី ហើយឆេះយ៉ាងឆាប់រហ័សឆ្លងទៅផ្ទះឈើអ្នកជិតខាងសងខាងទៀត។ មិនយូរប៉ុន្មាន ភ្នាក់ងារពន្លត់អគ្គិភ័យបានមកនិងបានបាញ់ទឹកពន្លត់ផងដែរ ។.jpg)
ភ្នាក់ងារបានប្រើរថយន្តពន្លត់៥គ្រឿង កម្លាំងប្រមាណ៥០នាក់ និងប្រើរយៈពេល១ម៉ោង ៣០នាទី ទើបអាចពន្លត់ភ្លើងចប់សព្វគ្រប់ដោយប្រើប្រាស់ទឹកសរុបចំនួន៦រថយន្ត ។
លោកចេង ឌីណាអភិបាលស្រុក បាននាំយកអំណោយរបស់អនុសាខាកាកបាទក្រហមកម្ពុជាស្រុក ចែកជូនប្រជាពលរដ្ឋរងគ្រោះដោយភ្លើងឆេះផ្ទះចំនួន ៣គ្រួសារ ដោយក្នុងមួយគ្រួសារទទួលបានអង្ករ៥០គីឡូក្រាម ទឹកត្រី១យួរ ទឹកស៊ីអ៊ីវ១យួរ ត្រីខ១យួរ ទឹកសុទ្ធ១កេស មី១កេស តង់១ សម្ភារៈផ្ទះបាយ១៦មុខ១ឈុត និងថវិកាមួយចំនួនផងដែរ។
ទោះយ៉ាងណា ដើមហេតុដែលនាំឱ្យឆាបឆេះ និងទំហំនៃការខូចខាត នៅពុំទាន់ស្រង់ទិន្នន័យបាននៅឡើយទេ នៅរង់ចាំរបាយការណ៍របស់នគរបាលនាពេលក្រោយ ៕
អត្ថបទ៖ ភ្នាក់ងារខេត្តកណ្ដាល(1).jpg)
.jpg)
