មកដឹងរឿងពិតផ្ទះខ្មោចទិញនៅខេត្តកំពង់ឆ្នាំង
Admin
លោក អ៊ុំ គឹមសេង ប្រជាការងារដែលប្រចាំការនៅផ្ទះខ្មោចស័ក្តិសិទ្ធិនោះ បានប្រាប់អ្នកសារព័ត៌មាន ថា លោករស់នៅតំបន់នេះតាំងពីតូចមក ដូចនេះលោកដឹងរឿងនេះមួយចំនួនដែរ។ លោកបានរៀបរាប់ថា ផ្ទះដែលអ្នកគ្រប់គ្នាតែងតែហៅថា ផ្ទះខ្មោចទិញនោះ គឺត្រូវបានកសាងឡើងនៅក្នុងកំឡុងទសវត្សរ៍ឆ្នាំ១៩៩០ ដោយសាងសង់ពីឈើ សរសរឈើ និងប្រក់ក្បឿងនៅលើដីដែលមានទំហំប្រមាណកន្លះហិកតា ប៉ុន្តែដោយសារតែម្ចាស់មានផ្ទះពីរគឺមួយទៀតនៅតំបន់ទន្លេ ទើបមិនសូវមានពេលមកមើលថែ ស្នាក់នៅផ្ទះដែលនៅក្នុងភូមិថ្មីមួយនេះ។ ផ្ទះនេះ ម្ចាស់បានសម្រេចរុះរើក្នុងកំឡុងឆ្នាំ២០០៤ ដោយយកឈើ និងសម្ភារទាំងអស់ទៅប្រគេនព្រះសង្ឃនៅវត្តមួយ ស្ថិតក្នុងស្រុកកំណើតរបស់ម្ចាស់ដីផ្ទាល់តែម្ដង។
អាសនៈផ្ទះខ្មោចស័ក្តិសិទ្ធិ
លោក អ៊ុំ គឹមសេង បានប្រាប់ពីប្រវត្តិនៃផ្ទះខ្មោចស័ក្តិសិទ្ធិថា ក្រោយមានជំនឿលើការបន់ស្រន់នៅតំបន់នេះ មានអ្នកដំណើរម្នាក់មកបន់ស្រន់សុំអ្វីដែលខ្លួនប្រាថ្នាហើយបានដូចបំណង ហើយក៏ស្នើសុំទិញដីមួយផ្នែកពីម្ចាស់ផ្ទះទំហំប្រមាណ៧គុណនឹង២០ម៉ែត្រ ដើម្បីធ្វើជាអាសនៈទុកធ្វើបុណ្យ និងសុំសេចក្តីសុខពេលធ្វើដំណើរតាមផ្លូវទៅវិញទៅមក ដោយទុកដីនោះ ជាទ្រព្យសម្បត្តិសាធារណៈ ហើយក្រោយមកទៀត ម្ចាសដីថ្មីដែលទិញដីផ្ទះនោះ បន្តបានបរិច្ចាគបន្ថែម១០ម៉ែត្រ បន្ថែមធ្វើឱ្យបណ្ដោយដីកាន់តែវែង។
អ្នកដែលមកបន់ស្រន់ និងដង្វាយ
លោក អ៊ុំ គឹមសេង ឱ្យដឹងថា អាសនៈផ្ទះខ្មោចស័ក្តិសិទ្ធិបានកសាងរួច គឺតែងតែមានអ្នកមកបន់ស្រន់ជាបន្តបន្ទាប់ដែលដំបូងឡើងនៅពេលដែលគេបន់ស្រន់បានសម្រេចគឺតែងតែទិញព្រះភូមិយកមកថ្វាយ ប៉ុន្តែដោយសារទីធ្លាដីចង្អៀតមិនអាចដាក់ព្រះភូមិបន្តបានទើបមកដល់ពេលនេះ អាជ្ញាធរបានស្នើសុំឱ្យអ្នកដាក់ដង្វាយគឺដូរពីព្រះភូមិមកជាថវិកា ផ្លែឈើ ឬទៀនធុបវិញ។
បើទោះជាផ្ទះដែលគេស្គាល់ថា ផ្ទះខ្មោចទិញ បានរុះរើចេញ ជំនួសមកវិញដោយ អាសនៈផ្ទះខ្មោចស័ក្តិសិទ្ធិនៅជាប់និងថ្នល់ជាតិលេខ៥ក្តី ប៉ុន្តែអ្នកដែលមានជំនឿនៅតែមកបន់ស្រន់សុំអ្វីដែលខ្លួនប៉ងប្រាថ្នា និងស្នើសុំសេចក្តីសុខ ខណៈដែលផ្លូវជាតិលេខ៥កសាងថ្មី និងជិតរួចរាល់ទាំងស្រុងហើយនោះ៕
.jpg)
