ខួរក្បាលមនុស្សមិនឈប់អភិវឌ្ឍនៅពេលចប់វ័យជំទង់នោះទេ។ វាអាចបន្តវិវឌ្ឍរហូតដល់វ័យប្រហែល ២៥ឆ្នាំ។
កំឡុងពេលនេះ ផ្នែកខាងមុខនៃខួរក្បាល ដែលពាក់ព័ន្ធនឹងការរៀបចំផែនការ ការសម្រេចចិត្ត និងការគ្រប់គ្រងខ្លួនឯង នឹងបង្កើតការតភ្ជាប់កាន់តែល្អជាមួយតំបន់ផ្សេងៗនៃខួរក្បាល។
សរសៃប្រសាទក៏ទទួលបានស្រទាប់ការពារមួយដែលហៅថា Myelin ដែលជួយឱ្យព័ត៌មានធ្វើដំណើរបានលឿន និងមានប្រសិទ្ធភាពជាងមុន។
ការផ្លាស់ប្តូរទាំងនេះអាចបង្ហាញតាមរយៈសមត្ថភាពក្នុងជីវិតប្រចាំថ្ងៃ ដូចជា ការសម្រេចចិត្តបានប្រសើរជាងមុន ការរៀបចំផែនការបានល្អ ការផ្តោតអារម្មណ៍បានយូរ និងការគ្រប់គ្រងអារម្មណ៍បានល្អជាងមុន។
មនុស្សវ័យក្មេងក៏ចាប់ផ្តើមមានសមត្ថភាពល្អជាងមុនក្នុងការគិតពីផលប្រយោជន៍រយៈពេលវែង និងប្រៀបធៀបវាជាមួយការចង់សប្បាយតែមួយពេល។
ការអភិវឌ្ឍខួរក្បាលមិនមែនកើតឡើងដោយស្វ័យប្រវត្តិទាំងស្រុងនោះទេ។ ការគេងឱ្យបានគ្រប់គ្រាន់ ការហាត់ប្រាណ ការរៀនសូត្រ និងទំនាក់ទំនងវិជ្ជមាន សុទ្ធតែអាចមានតួនាទីក្នុងការអភិវឌ្ឍខួរក្បាល។
គ្រប់ដំណាក់កាលនៃជីវិត សុទ្ធតែជាឱកាសសម្រាប់យើងក្នុងការរៀន និងអភិវឌ្ឍខ្លួនឱ្យកាន់តែប្រសើរ។